Mae ein Technolegwyr Bwyd yn brofiadol iawn ym mhob sector o’r diwydiant cynhyrchu bwyd a gallant helpu i ddatrys eich problemau technegol neu ddatblygu eich cynnyrch. Gallant gynnig cyngor ac arweiniad ar bob agwedd ar gynhyrchu bwyd, gan gynnwys:

• Labelu a Phecynnu
• Effeithlonrwydd Cynhyrchion a Phrosesau
• Cynllun Ffatrïoedd
• Chwilio am Offer
• HACCP
• Dilysu Systemau

Mae profiad masnachol ein Technolegwyr Bwyd yn eu galluogi i gynnig cymorth sylweddol wrth i chi berffeithio eich systemau rheoli diogelwch bwyd. Maen nhw’n cynnig cymorth gyda’r canlynol:-

• Achredu Trydydd Parti (SALSA a BRC)
• Arferion Cynhyrchu Da
• Rhaglenni sy’n Rhagofynion

Mae ein Technolegwyr Bwyd yn arbenigwyr ar ddatblygu cynnyrch cwbl newydd a chynnyrch sydd eisoes yn bodoli a gallant eich helpu gydol y broses gyfan:-

• Datblygu Cynnyrch
• Ailffurfio Cynnyrch
• Masnacheiddio
• Dadansoddiadau Oes Silff
• Gwerthuso Gwybyddol
• Maeth a Labelu
• Cyfarwyddiadau Coginio
• Pecynnu

Dechrau Busnes Prosesu Bwyd a Diod

Ydych chi’n ystyried dod yn gynhyrchydd bwyd neu ddiod? Efallai eich bod am ehangu cynhyrchiad rydych yn ei wneud gartref ar hyn o bryd, neu mae arnoch angen cymorth arbenigol gyda Datblygu Cynnyrch Newydd?

Yn Ganolfan Bwyd Cymru, mae pob cleient newydd yn dechrau ar eu taith drwy’n Sesiynau Cychwyn Busnes bob dau fis. Mae’r sesiynau hyn wedi’u cynllunio i’ch cyflwyno i’r cyfleusterau, yr arbenigedd a’r cymorth sydd ar gael i’ch helpu i dyfu eich busnes.

Beth i’w Ddisgwyl

Mae pob sesiwn yn cynnwys:

• Cyflwyniad byr gan ein Rheolwr Gweithrediadau Busnes yn cynnwys:

  • Sut y gall Canolfan Bwyd Cymru gefnogi eich busnes

  • Buddion y Rhaglen HELIX

  • Rhestr wirio ymarferol ar gyfer cychwyn busnes

  • Sut i gael mynediad at ddata mewnwelediad y farchnad

• Taith dywys o’n Canolfan Arloesi a Gweithgynhyrchu

• Cyfarfod 1-2-1 gyda Thechnolegydd Bwyd i drafod eich syniadau a’ch camau nesaf

• Cyflwyniadau gan Busnes Cymru a Cywain, gyda’r opsiwn ar gyfer cyfarfodydd 1-2-1 dilynol

Manylion y Sesiwn

• Mae’r sesiynau’n dechrau am 10:00am ac yn para tua 2 awr (cyflwyniad a thaith)

• Bydd pob busnes wedyn yn cael apwyntiad 30 munud 1-2-1 gyda Thechnolegydd Bwyd

• Bydd Cynghorydd Busnes o Fusnes Cymru a Rheolwr Datblygu Busnes o Gywain hefyd ar gael ar gyfer cyfarfodydd pellach ar gais

• Darperir lluniaeth a chinio ysgafn

Sesiynau Nesaf

• 16 Medi 2025

• 11 Tachwedd 2025

Sut i Archebu

I gadw lle, e-bostiwch gen@foodcentrewales.org.uk neu ffoniwch 01559 362230.

Arloesi Bwyd Cymru yn helpu i roi cynnyrch Cymreig ar lwyfan y byd

Mae Arloesi Bwyd Cymru wedi lansio’r cyfeirlyfr digidol cynhwysfawr cyntaf o gynhyrchwyr bwyd a diod Cymru. Mae’r cyfeirlyfr, sy’n cynnwys cofnodion o dros 430 o gwmnïau, wedi’i greu i godi ymwybyddiaeth a hyrwyddo gwerthu cynhyrchion Cymreig yn genedlaethol ac yn rhyngwladol.

Cynhwysir cwmnïau bach a mawr yn y cyfeirlyfr a gynhyrchwyd ar ran Bwyd a Diod Cymru ac fe’i defnyddir ar ymweliadau datblygu masnach ac arddangosfeydd ledled y byd. Gall defnyddwyr chwilio am gynhyrchydd yn seiliedig ar leoliad, categori cynnyrch, sianel gyflenwi ac ardystiad.

Wrth siarad am lansio’r cyfeirlyfr cynhyrchwyr bwyd a diod, dywedodd yr Athro David Lloyd, Cyfarwyddwr Canolfan Diwydiant Bwyd ZERO2FIVE ac Is-Gadeirydd Bwrdd Diwydiant Bwyd a Diod Cymru:

“Rydym am i gwmnïau bwyd a diod Cymru gael eu dathlu ar lwyfan byd eang. Bydd y cyfeirlyfr hwn yn help i godi proffil bwyd a diod arloesol o Gymru yn lleol, yn genedlaethol a rhyngwladol.”

Mae Arloesi Bwyd Cymru, gyda chefnogaeth Llywodraeth Cymru, yn dwyn ynghyd dair canolfan ragoriaeth fwyd sy’n ymroddedig i annog datblygiad sector bwyd Cymru a darparu cefnogaeth dechnegol a gweithredol ar bob agwedd ar weithgynhyrchu bwyd. 

I ganfod rhagor am y cyfeirlyfr cynhyrchwyr bwyd a diod, ewch i’r wefan: http://foodinnovation.wales/directory